Адамдар қайта-қайта келіп, жан тыныштығы мен сауығуды табатын әр мекеннің артында өзіндік философиясы бар тұлға тұрады. Майра Джамашева – 2026 жылы Teens and People журналының нұсқасы бойынша «Жылдың үздік сауықтыру орталығы» атанған Xan Tau Resort сауықтыру орталығының негізін қалаушы. Бұл сұхбатта Майра орталықтың құрылу жолы, табиғи сауықтырудың маңызы, адамға деген қамқорлық философиясы және Xan Tau Resort-тың бүгінде көптеген жандар үшін жай ғана демалыс орны емес, толық жаңару мен үйлесім кеңістігіне айналғаны туралы әңгімелейді.

Майра ханым, сіздің Xan Tau Resort орталығыңыз Teens and People журналының нұсқасы бойынша «2026 жылдың үздік сауықтыру орталығы» атанды. Бұл мойындау сіз үшін нені білдіреді және марапат туралы естіген сәтте қандай сезімде болдыңыз?

– Бұл марапат мен үшін ерекше мәнге ие. Себебі бұл тек біздің еңбегіміздің бағалануы ғана емес, сонымен қатар көптеген жылдар бойы қалыптасқан құндылықтарымыздың, қонақтарға деген қамқорлығымыздың және адал еңбегіміздің нәтижесі деп білемін.

Марапат туралы естіген сәтте ең алдымен қуаныш пен ризашылық сезімі болды. Біз бұл жолды өте қарапайым жағдайда бастадық. Алғашқы кезде қонақтар аз болды, барлық жұмысты өзіміз атқардық. Сондықтан бүгінгі жетістік – бүкіл командамыздың ортақ жеңісі.

– Сіздің ойыңызша, Xan Tau Resort-тың негізгі философиясы мен бірегейлігі басқа сауықтыру орталықтарымен салыстырғанда неде?

– Біздің басты ерекшелігіміз – табиғилық пен кешенді сауықтыруға негізделген көзқарас. Хантауда адам таза тау ауасымен тыныстайды, табиғат аясында тынығады, күнделікті күйбең тіршіліктен алыстап, өз денсаулығына көңіл бөледі. Біз үшін әр қонақ – жай ғана келуші емес, құрметті мейман.

Орталығымыздың басты ерекшеліктерінің бірі – табиғи әрі құнарлы өнімдерден құралған арнайы ас мәзірі. Дастарханымызда әрдайым табиғи бал, бөдене жұмыртқасы, ешкінің сүті мен айраны, қымыз және күніне бес мезгіл ұсынылатын жаңа сауылған саумал болады. Сонымен қатар қонақтарға сұлы суы мен бататтан дайындалатын арнайы тұнбалар беріледі. Батат құрамындағы табиғи антиоксиданттар мен пайдалы микроэлементтердің арқасында ол дұрыс тамақтану бағдарламасының бір бөлігі ретінде ұсынылады.

Қонақтарымыз ерекше бағалайтын өнімдердің бірі – арнайы рецепт бойынша дайындалатын қойдың құйрық майы. Арнайы өңдеу тәсілінің арқасында оның өзіне тән өткір иісі болмайды және тағамдық құндылығы сақталады.

Саумал – біздің сауықтыру бағдарламамыздың негізгі өнімдерінің бірі. Ғылыми зерттеулерге сәйкес, бие сүтінің құрамы адам ана сүтіне басқа мал сүттеріне қарағанда жақынырақ келеді. Саумалдың құрамында С, А, D, Е дәрумендері, В тобы дәрумендері, фолий қышқылы, кальций, фосфор, мырыш, мыс, магний және басқа да микроэлементтер кездеседі. Сонымен қатар лактоферрин, лизоцим, иммуноглобулиндер және биоактивті ақуыздар секілді табиғи қосылыстар бар. Оның ақуыздары жеңіл қорытылатындықтан, көптеген адамдар үшін құнарлы әрі жеңіл сіңетін тағам болып саналады.

Сонымен қатар массаж, ине терапиясы және сауықтыру бағдарламалары кешенді түрде ұсынылады. Біз дәрі-дәрмекке емес, табиғаттың мүмкіндігіне, дұрыс тамақтануға, тынығуға және ағзаны табиғи қолдауға басымдық береміз.

Сондықтан көптеген қонақтарымыз бізге қайта оралып жатады.

– Көптеген қонақтар сіздің орталықта тек физикалық емес, эмоционалдық тұрғыдан да қалпына келетіндерін айтады. Осындай қамқорлық, жайлылық және сенім атмосферасын қалай қалыптастыра алдыңыз?

– Менің ойымша, адамдар ең алдымен шынайылықты сезеді. Біз ешқашан қызмет көрсетуді тек бизнес ретінде қабылдаған жоқпыз. Әрбір қонақтың жағдайын сұрап, қажеттілігін түсінуге тырысамыз.

Мұнда адамдар өздерін бөтен жерде емес, жақындарының арасында жүргендей сезінгенін қалаймыз.

Табиғаттың өзі де үлкен рөл атқарады. Таудың тыныштығы, таза ауа, күнделікті күйбеңнен алыстау адамның жан дүниесін тыныштандырады.

Көптеген қонақтар бірнеше күннен кейін-ақ ұйқысының жақсарғанын, көңіл-күйінің көтерілгенін және бойында күш-қуат пайда болғанын айтып жатады. Біз үшін ең үлкен марапат – адамдардың өздерін жақсы сезініп, қуанып қайтуы.

– Xan Tau Resort – бұл жай ғана демалыс орны емес, денсаулық пен толық қайта жүктелудің тұтас концепциясы. Орталықты құру кезінде қандай қағидаларды негізге алдыңыз және сіз үшін ең маңыздысы не болды?

– Хантаудың идеясы өз өмірімізден басталды. COVID кезеңінде жолдасымның денсаулығы сыр беріп, табиғи өнімдердің, саумалдың және дұрыс тамақтанудың пайдасын өз көзімізбен көрдік.

Сол кезде адамдарға да осындай мүмкіндік беру керек деген ой келді. Сондықтан біздің негізгі қағидамыз – табиғи өнімдер, таза орта және адамның денсаулығына деген жауапкершілік.

– Әдемі әрі табысты жобаның артында әрдайым үлкен ішкі еңбек жатады. Xan Tau Resort-ты құру және дамыту жолында қандай қиындықтарға тап болдыңыз?

– Ең үлкен қиындықтардың бірі – бастау кезеңі болды. Ол кезде мұндай форматтағы сауықтыру орталықтары көп емес еді, адамдар да бұл бағытты толық түсіне бермейтін.

Алғаш ашылған кезде орталығымыз небәрі 13 адамды қабылдай алатын. Бүгінде бір мезетте 70 қонаққа дейін қызмет көрсететін деңгейге жеттік. Бұл – бізге сенім артқан қонақтарымыздың арқасында жеткен нәтиже деп есептеймін.

– Бүгінде сіз мұқабаның героинясы әрі бет-бейнесісіз. Сіз үшін тек басшы болу ғана емес, сонымен қатар өз брендіңіздің қоғамдық өкілі болу қаншалықты маңызды?

– Шынымды айтсам, мен ешқашан танымал болуды мақсат еткен емеспін. Мен үшін ең маңыздысы – өз ісімді адал атқару.

Бірақ адамдар брендтің артында нақты адамның тұрғанын көргенде сенімі артады. Сондықтан бүгін өз тәжірибеммен бөлісіп, басқа адамдарға шабыт бере алсам, оны үлкен жауапкершілік әрі құрмет деп қабылдаймын.

Бұл жетістік – тек менің емес, біздің бүкіл

ұжымымыздың және бізге сенім артқан қонақтарымыздың ортақ жетістігі.

– Егер Xan Tau Resort-тың болашағы туралы айтсақ: алдағы жылдары қандай мақсаттарды, идеяларды немесе жаңа бағыттарды жүзеге асырғыңыз келеді?

– Біздің жоспарларымыз өте көп. Біз қызмет көрсету сапасын одан әрі арттырып, жаңа сауықтыру бағдарламаларын енгізуді көздейміз. Алдағы уақытта тәжірибелі әрі білікті мамандарды тартып, қызмет аясын кеңейтуді жоспарлап отырмыз. Соның ішінде мануалды терапия бағытын іске қосу жоспарда бар.

Сондай-ақ тұзды шахта (галотерапия бөлмесі) салу ойымызда бар. Бұл тыныс алу жүйесінің саулығын қолдауға бағытталған қосымша сауықтыру бағыты болады деп сенеміз.

Ең басты мақсатымыз – адамдарға денсаулық, тыныштық, күш-қуат және табиғатпен үндестікті сыйлайтын мекен болып қала беру.

@hantau_resort

@xantau.resort

WhatsApp: +7-777-481-55-66