Аналық сезімнен бастау алған арман бүгінде жүздеген баланың шат күлкісіне себеп болып отыр. Ол бизнесті тек табыс көзі ретінде емес, жүректен шыққан миссия деп санайды. Әр киім арқылы жайлылық пен қуаныш сыйлауды мақсат тұтқан Асылайдың кәсіпкерлік жолы – жігер мен табандылықтың айқын мысалы.

Асылай Орманова – Tairkids балалар киім дүкендерінің негізін қалаушы, жас кәсіпкер, аналардың сенімді серігі.

Асылай, балалар киім дүкендерін ашу идеясы қалай пайда болды және неге дәл осы бағытты таңдадыңыз?

– Шын мәнінде, бұл идея жүрегімнен шыққан арманнан туды. Ана атанған сәттен бастап өмірге деген көзқарасым өзгерді. Баланың күлкісі, оның жайлылығы мен бақытты болуы – әр ана үшін ең маңызды дүние. Өз тәжірибемде балаларға сапалы, стильді әрі қолжетімді киім табу кейде қиынға соққанын байқадым. Сол кезде «неге осыны өзім жасамасқа?» деген ой келді. Осылайша Tairkids дүниеге келді. Бұл тек бизнес емес, жүрегімнің қалауы, аналарға қолдау, балаларға қуаныш сыйлау миссиясына айналды.

– Кәсіпті дамыту барысында қандай қиындықтар болды және оларды қалай еңсердіңіз?

– Әр кәсіптің жолы оңай емес. Басында тәжірибе жетіспеуі, дұрыс шешім қабылдаудағы күмән, қаржы мәселесі сияқты қиындықтар кездесті. Кейде шаршаған сәттер де болды. Бірақ әрбір қиындық – жаңа сабақ. Сол сәттерде берілмей, шыдамдылық танытып, өзіме сенуге тырыстым. Отбасымның қолдауы, жанымдағы команда – менің ең үлкен күшім болды. Әр сәтте «осы істі бастағандағы мақсатымды» есіме түсіріп, алға қадам жасауға жігер таптым.

– Алдағы уақытта Tairkids желісін кеңейту жоспарыңыз бар ма?

– Иә, әрине. Қазірдің өзінде екі дүкеніміз жұмыс істеп тұр: бірі – Шымкент қаласы, Республика даңғылы 16-да, екіншісі – Rahima Plaza сауда орталығының 0-қабатында, 100/21-бутикте орналасқан. Алдағы мақсатымыз – осы желіні кеңейту. Біз үшін әр жаңа дүкен – балаларға қуаныш, ата-аналарға сенім сыйлау мүмкіндігі. Менің арманым – Tairkids-ті тек бір қалада ғана емес, Қазақстанның түкпір-түкпірінде ашу. Болашақта балаларға қуаныш сыйлайтын, аналарға сенімді серік болатын үлкен брендке айналдыруды көздейміз. Бұл жолда еңбектену, жаңа идеялар енгізу, заман талабына сай өзгеру – біздің басты міндетіміз.

– Жас кәсіпкерлерге, әсіресе сауда саласында бизнес бастағысы келетіндерге қандай кеңес берер едіңіз?

– Ең бірінші – қорықпау. Көп адам ойында керемет идея болады, бірақ алғашқы қадамнан қорқып тоқтап қалады. Ал нағыз жетістік – табандылық пен батыл қадамнан басталады. Кішкентайдан бастауға да ұялмау керек. Ең бастысы – әрекет ету. Әрекет еткен адамға міндетті түрде жол ашылады. Сонымен қатар әрқашан сапаны бірінші орынға қойып, клиентке адал болған дұрыс. Себебі сенімділік – кез келген бизнестің негізі.

Мен жас кәсіпкерлерге әрдайым айтамын: бизнес – тек табыс табудың жолы емес, ол – жүрекпен жасалатын іс. Егер жүрегіңмен істесең, міндетті түрде өз жемісін береді.

Шымкент қ.,

ТЦ Rahima Plaza,

0-қабат, бутик 100/21Республика даңғылы, 16

инстаграм: @tair__kids

+7-775-241-18-68